شرح الانترنت عن طريق الستالايت

من طرف هاني الأربعاء فبراير 03, 2010 11:57 pm

[ندعوك للتسجيل في المنتدى أو التعريف بنفسك لمعاينة هذه الصورة]

انا هاقول فكره عن الا نترنت عن طريق الستالايت لانه بداء ينتشر فى الفتره الاخيره فى المنطقه العربيه
او هو اانترنت عادى بس عن طريق الاقمار الصناعيه بنفس السرعات
وفيه منه نوعين النوع الاول وهو
الوان واى one way
يعنى طريق واحد استقال فقط
وده بيكون للناس الا بيبقى عندها نت بس مش بجوده عاليه يعنى عن طريق التليفون
وده بيكون ارخص من النوع التانى
وده بيحتاج طبق عادى وراس وكرت ستالايت عاديه بتكون بالشكل ده

[ندعوك للتسجيل في المنتدى أو التعريف بنفسك لمعاينة هذه الصورة]

ومودم بس وبيكون سرعات كويسه طبعا لو الشركه طبعا كويسه وصادقه فى كلامها
وبيكون دوره انك بتستقبل عليه وبترسل عن طريق الديل اب يعنى بيستخدم لسرعه التصفح وسرعه الدون لود
النوع التانى وهو الاهم

التو واى tow way

يعنى طريقين ارسال واستقبال عن طريق القمر الصناعى
وده بيكون للناس الافى الاماكن البعيده عن العمران او الا صعب يتوفر فيها حتى ديل اب
بس هو بيكون مكلف شويه لان بيحتاج مطلبات معيه بتكون غاليه ومش متوفره هنا فى لمنطقه العربيه لزم بتيجى من اوربا او امريكا بالطلب
وطبعا خدمته جيدا جدا لان الا فيه كابلات
ومعداته بتكون كالاتى
1-طبق من نوع معين بيكون غالى شويه زى ده وطبعا فيه منه اشكال كتيره تانيه

[ندعوك للتسجيل في المنتدى أو التعريف بنفسك لمعاينة هذه الصورة]

2 راس ارسال tx وراس استقبال rx زى الا احنا شايفنهم فى الصوره راكبين على عمود الطبق
ودول بيكونو غالين شويه
3- الرسيفر او المودم وده اغالى جزء فى الاجهزه لان سعره بيبدا من 1500 دولار فما فوق
وده فيه منه انواع كتير افضلهم IDIRECT بموديلاته المختلفه
ودى صوره للموديل IDIRECT 3000

صوره ليه من قدام

[ندعوك للتسجيل في المنتدى أو التعريف بنفسك لمعاينة هذه الصورة]

وفى الصوره بنشوف فيه خمس لمبات
الاول من على اليمين البور
التانيه الحاله
التالته النيت وفى حاله اضائيتها بيكونالنت شغال فى كويس
الرابعه TX وهىلمبه الارسال
الخامسه RX وهى للاستقبال وفى حاله عاملها بتكون عندك كل حاجه تمام وبتستقبل كويس
ودى صوره ليه من الخلف

[ندعوك للتسجيل في المنتدى أو التعريف بنفسك لمعاينة هذه الصورة]

وهنا بنشوف ان عندنا كابل للاستقبال وكابل للارسال وكابل نت بيتم توصيل للسويتش وكابيل بور
ومن السويتش بيتم توصيل النت الى اى عدد من الاجهزه